113, 114 və 115 saylı Şəki seçki dairələrindən seçilmiş deputatlar: Yaqub Mahmudov, Əli Məsimli və Cavanşir Feyziyev

Дата публикации: Nov 08, 2010 6:32:11 PM

Mənbə: >>

R.S. 7 noyabr seçkiləridə səsvermə prosesi başa çatdıqdan sonra nəticələr barədə, tədricən, Mərkəzi Seçki Komissiyasının "Seçkilər" veb-saytına məlumat yerləşdirilmiş, gecə saat 1 radələrində, 8 noyabr tarixdə, əksər seçki dairələri üzrə ilkin nəticələr açıqlanmışdı. Lakin bu saatda, həmin saytdakı e-cədvəldə 113 saylı Şəki şəhər seçki dairəsi üzrə heç bir məlumat yox idi. E-cədvəldə, söz gedən dairə üzrə yalnız gecədən xeyli keçmiş məlumat yerləşdirildi, lakin səhər saatlarına qədər 27 məntəqədən 7 -nin nəticəsi istisna hesab edilirdi. Biz səhər saatlarında Şəki şəhər seçki dairəsinə müraciət edərək, bunun səbəbini bilmək, hər hansı bir insidentin baş verib-vermədiyini öyrənmək istədik. Cavab olaraq bizə bildirdilər ki, heç bir insident baş verməyib, sadəcə, bülletenlərini saymaq üçün vaxt lazım idi və biz bu işi yalnız səhərə yaxın başa çatdıra bilmişik.

   Yeri gəlmişkən, biz səsvermə prosesi başa çatan kimi,  bu dairənin seçiciləri arasında rəy sorğusu da keçirmişik, böyük əksəriyyət, bizə Yaqub Mahmudova səs verdiyini bildirmişdir.