Дата публикации: Dec 20, 2010 5:23:30 PM
Söhrab Əfəndi oğlu Arabov 1945-ci ildə Şəki şəhərində anadan olub. 1974-cü ildə Əzim Əzimzadə adına rəssamlıq məktəbini bitirib. 1976-cı ildən indiyə qədər Sabit Rəhman adına Şəki Dövlət Dram Teatrında quruluşçu rəssamdır. 1989-cu ildən Azərbaycan Rəssamlar İttifaqının üzvüdür. 2002-ci ildə "Qızıl Dərviş" mükafatına layiq görülüb. Müxtəlif illərdə (1990, 1991, 1994) Azərbaycan Mədəniyyət Nazirliyini tərəfindən təşkil olunmuş sərgilərdə, həmçinin Moskvadakı "Mona Liza" (1995), istanbuldakı "Bilim", (1997) qalereyalarının, Bakıdakı "Səttar Bəhlulzadə" qalereyasının (2008) və Muzey Mərkəzinin (2007, 2008) sərgilərində uğurla iştirak edib. Rəssamın əsərləri Azərbaycanın müxtəlif rəsm fondlarında, muzeylərdə, o cümlədən 60-dan çox əsəri ABŞ, Almaniya, Fransa, Norveç, Rusiya, Türkiyə və başqa ölkələrdə şəxsi kolleksiyalardadır.Sohrab Arabov
Söhrab Arabovun bu sərgisinin açılışında Mədəniyyət Nazirliyinin bir sıra rəsmiləri, bəzi xarici ölkə səfirliklərinin işçiləri, bir çox görkəmli mədəniyyət və incəsənət xadimləri, o cümlədən, Azərbaycan Rəssamlar İttifaqının sədri Fərhad Xəlilov, Azərbaycan Respublikasının xalq artisti, bəstəkar Xəyyam Mirzəzadaə və rəssamın digər pərəstişkarları iştirak etmişlər. Sərgi Söhrab Arabovun avanqard üslubda, yağlı boya ilə kətan üzəridə işlədiyi 55 rəsm əsərindən ibarətdir.