Дата публикации: Feb 15, 2011 12:2:38 AM
"İpəkçi" qəzetinin redaksiyası Təhsil nazirliyinə məxsus "Mənim məktəbim" saytının http://mekteb.edu.az/az/smenu57.htm linkinə və Təhsil Nazirliyinin əsas saytının http://www.edu.gov.az/upload/file/mekteb_08-10-10.pdf linkinə və "Abituriyent" jurnalının 12-ci sayına əlavə edilən, "Şəki rayonunun 2010-cu il məzunlarının qəbul imtahanlarındakı nəticələrinə dair statistik məlumatlar" a istinad etməklə Şəki orta məktəblərinin 2010-cu il məzunlarının 2010-cu ildə ali məktəblərə qəbul imtahanlarındakı nəticələrinə əsasən, Şəki orta məktəblərinin reytinq cədvəlini tərtib etmişdir. Cədvəl "İpəkçi" qəzetinin 15 mart tarixli sayında dər olunub və həm də "İpəkçi" qəzetinin yardımçı saytlarından biri olan "Şəki Kataloq"a yerləşdirilib:
" Lakin, bu 3 mənbəni müqayisə edərkən, həm də aşkar etdik ki, bu mənbələrdə ötən ilki məzunlardan atestat alanların sayında və ali məktəbə daxil olanların sayında fərqlər var. Maraqlıdır ki, TQDK bizə yox, məh biz TQDK-ya məlumat verdik ki, 2010-cu ildə Şəki orta məktəblərinin 2010-cu il məzunlarından ali məktəblərə heç də 367, yaxud 377-i yox, əslində 396 nəfər qəbul olunub! Həmçinin, dəqiqləşdirdik ki, həmin abituriyentlərdən 367-si Azərbaycandakı mülki ali məktəblərə, 10-u ya hərbi, ya da ki xarici ölkələrdəki ali məktəbə qəbul olunub. Qalan 19 abituriyentin hansı Ali məktəbə daxil olması barədə sorğumuza isə TQDK cavab verə bilmədi; belə çıxır ki, Azərbaycanda “gizli” ali məktəblər də var?!
Məlumat üçün əlavə edək ki,
Şəki orta məktəblərinin 2008-ci il məzunlarından 2008-ci ildə ali məktəblərin qəbul imtahanlarında 1289,
Şəki orta məktəblərinin 2009-cu il məzunlarından 2009-cu ildə ali məktəblərin qəbul imtahanlarında 1198,
Şəki orta məktəblərinin 2010-cu il məzunlarından isə 2010-cu ildə ali məktəblərin qəbul imtahanlarında 1154,
nəfər iştirak edib.
Şəki orta məktəblərinin 2008-ci il məzunlarından 2008-ci ildə ali məktəblərə 396,
Şəki orta məktəblərinin 2009-cu il məzunlarından 2009-cu ildə ali məktəblərə 390,
Şəki orta məktəblərinin 2010-cu il məzunlarından isə 2010-cu ildə ali məktəblərə 10+386,
nəfər qəbul olunub.
17.03.2011-ci il tarixdə TQDK-dan e-məktub aldıq. Bu məktubda Şəki orta məktəblərinin 2010-cu il məzunlarından 2010-cu ildə ali məktəblərə 396 nəfərin qəbul olunması təsdiqlənir. Doğrudur, həm də bizim yazını heç bir əsas gətirmədən "qərəzli" hesab ediblər və "orada hesablamalar zamanı bir çox səhvlərə və diqqətsizliyə yol" verdiyimizi bildiriblər. Amma əslində, bizim cəmi 1 səhvimiz olub ki, o da mülki ali təhsil müəssisəsələrinə 367 əvəzinə 377 nəfərin qəbul olunmasını yazmağımızdır, bu isə əhəmiyyətsiz bir xətadır və ümumi nəticəyə heç bir təsir edə bilməz. Məktubu oduğu kimi aşağıda dərc edirik:
Bu yaxınlarda sizin qəzetin internet saytında TQDK haqqında məlumata rast gəldik. Sizin orada yazdığınız yazı qərəzlidir və qeyd etmək istərdim ki, orada hesablamalar zamanı bir çox səhvlərə və diqqətsizliyə yol vermisiniz. Bu səhvləri biz ortaya çıxardıq və sizə həmin məlumatlar ətraflı şəkildə göndərilir.
1. Biz sizə mülki ali təhsil müəssisələrinə 377 yox, 367 nəfərin qəbul olduğunu yazmışıq. Sizin mətndən isə belə çıxır ki, biz 377 nəfərin mülki ali təhsil müəssisələrinə qəbul olduğunu yazmışıq. Bir daha qeyd edirik ki, Şəkinin orta məktəblərindən mülki ali təhsil müəssisələrinə 367 nəfər, xüsusi təyinatlı və xarici ali təhsil müəssisələrinə isə 10 nəfər qəbul olub. Yəni sizin aldığınız nəticə ilə bizim aldığımız nəticə arasındakı fərq 9 yox 19-dur.
2. Qeyd etmisiniz ki, TQDK-nın verdiyi məlumatın əksinə olaraq Şəkidən ali təhsil müəssisələrinə 396 nəfər qəbul olub. Sizin məktəb reytinqi haqqında dərc etdiyiniz cədvəli araşdırıldı və müəyyən edildi ki, orada bizim sizə təqdim etdiyimiz "Şəki rayonunun 2010-cu il məzunlarının qəbul imtahanlarındakı nəticələrinə dair statistik məlumatlar" adlı kitabçamızda olmayan bir məktəbin, daha doğrusu bir liseyin adı var. Bu - Şəki-Azərbaycan Türk Özəl liseyidir. Bu lisey türk liseyi olduğu üçün onun haqqında məlumat "Türk liseylərinin 2010-cu il məzunlarının qəbul imtahanlarındakı nəticələrinə dair statistik məlumatlar" adlı kitabçamızda gedib və bu kitabçanı məktuba əlavə olaraq veririk: Yüklə
3. Daha sonra qeyd etmisiniz ki, Təhsil Nazirliyinin attestat alanların sayı haqqında verdiyi məlumat ilə TQDK-nın verdiyi məlumat arasında ziddiyyət var. Qeyd edək ki, TQDK-nın bu məlumatları müstəqil şəkildə əldə etmək imkanına malik deyil və bunun üçün Təhsil Nazirliyinə müracət edilir. Bizim müraciətə əsasən Təhsil Nazirliyi tərəfindən 31 avqust 2010-cu il tarixli rəsmi məktub daxil olmuşdur, kitabçalarda gedən həmin məlumat bu rəsmi məktuba əsaslanır. Yəni ziddiyyət TQDK-nın və Təhsil Nazirliyinin rəqəmləri arasında yox, Təhsil Nazirliyinini TQDK-ya təqdim etdiyi rəsmi məktub və internetdə yerləşdirilən məlumat arasındadır.