"Şəki-İpək" ASC-nin Pambıq əyirici istehsalatında təxm. 1 aylıq fasilədən sonra iş ahəngi bərpa edilib

Respublikamızın 2 ən böyük pambıq əyirici müəssisəsindən biri olan bu istehsalat, 1 aya yaxın idi ki işləmirdi. "Şəki-İpək" ASC-nin texniki direktoru Şahin Əzizov bunu müəssisənin anbarındakı ötən ilki  mövsümdən qalan pamdıq ehtiyatının azalması ilə əlaqələndirərək, əlavə etdi ki, bu ilki mövsümə aid pambığın satın alınıb müəssisəyə gətirilməsi üçün vaxt lazım idi və buna görə də təbii ki, istehsal prosesimdə müəyyən fasilə olmalı idi. O, deyir ki, "hər yerdə belədir, köhnə mövsümdən qalan xam malın tükənməsi ilə təzə mövsümə aid yeni xammalın əldə edilməsinə qədər istehsalda müəyyən boşluq bilər, bu ola da bilər, olmaya da. Belə ki əvvəlcədən tam dəqiqliyi ilə hesablamaq mümkün deyil... Pambıq əyirici istehsalatında istehsal prosesinin qısamüddətli dayanması zamanı biz həmin istehsalatın sexlərində təmir-bərpa işlərinin görülməsinə, dəzgahların təmirinə, yaxud sazlanmasına çalışdıq. Oktyabrın 29-da isə bu istehsalatda iş ahəngi bərpa olunub və istehsalat tam gücü ilə işləməyə başlayıb. (Şəkildə: "Şəki-İpək" ASC-nin texniki direktoru Şahin Əzizov )

R.S. Burada, Pamdıq Əyirici İstehsalatında,  vur-tut, 70 nəfər işçi çalışsa da sutkada 5 ton pambıq sap istehsal olunur. İstehsalatın sexləri ən müasir texnologiya və avadanlıqlarla təchiz olunmuşdur. Cəmi, 1 nəfər böyük bir sexə nəzarət edə bilir. Əl əməyindən daha çox anbarda, hazır məhsulun qablaşdırılması və göndərilməsi zamanı istifadə olunur. Elə işçilərin də az qala yarısı burada çalışırlar. Hazır məhsulun böyük hissəsi Rusiya bazarına ixrac edilir, qismən isə  "Şəki-İpək" ASC-nin digər İstehsalatında - Toxucu İstehsalatında, pambıq parça toxunması üçün istifadə olunur. Ən yaxşısı isə budur ki, ASC-nin Baramaaçan İstehsalatından fərqli olaraq, bu Pambıq Əyirici İstehsalatında emal  edilən xam mal xarici yox, Azərbaycan malıdır!