Дата публикации: Mar 21, 2010 5:16:44 AM
Bu nağıla bizdə hamı inanır, bizim "politoloq"lar, "siyasətçi"lər, müxalifət, dövlət və hökumət xadimlərimiz, "akademik"lərimiz. Amma kimsə dönüb geriyə baxmır ki, belə bir hadisənin analoqu var ya yox?! Yəni harada görünüb ki kimsə, hansısa dövlət, işğal etdiyi qonşusunun ərazisini "elə-bələ" qaytarsın! Siyasətdə "elə-belə" heç nə olmur! Ermənilər bizim 5 rayonu qaytarmasalar nə olacaq? Bu sualın yalnız 1 cavabı var: "heç nə!". Bəs onda ermənilər 5 rayonu nəyə görə Azərbaycana qaytarırlar?
Ermənilər heç bir torpaq zad qaytarmaq fikrində deyillər. Hətta Azərbaycan tərəfi keçmiş Dağlıq Qarabağ Muxtar vilayəti ərazisini müstəqil bir dövlət kimi tanısa belə, ermənilər keçmiş Dağlıq Qarabağ Muxtar vilayətini sərhədlərindən kənarda işğal etdikləri Azərbaycan Respublikası ərazilərini qaytarmayacaqlar.
Ermənilərin keçmiş Dağlıq Qarabağ Muxtar vilayətini sərhədlərindən kənarda işğal etdikləri Azərbaycan Respublikası ərazilərini qaytarmaq istəyiriksə 2 yolumuz var:
1. Ermənilərə pul vermək;
2. Müharibə etmək.